Mangaldai, Risaw 03 : Uwei u heh pulit uba ha ka kyrdan Sub Inspector of Police hapoh Darrang district ka Assam ula shah sospon noh na ka kam halor ka jingkynnoh pyni bor ha ka jaka paidbah hapdeng ka jingdih buaid, ong ka khubor heh pulit.
Une u Sub Inspector Nitai Chandra Roy uba don hapoh Dhula Police Station kum u officer-in-charge ula shah sospon noh na ka kam namar kane ka jingpyni bor ka jong u hakhmat u paidbah bad hapdeng ki para dkhot ka tnat pulit hapdeng ka jingdih buaid.
Ia une u pulit la lapdien katba u dang kren baheh ia ki riew paidbah hapdeng ka jingdih buaid, ong u heh pulit ka Darrang district.
Kham hashwa, ha ka 27 tarik u Naitung ba la dep, uwei u SI bala tip kyrteng kum u Utpal Bora uba dei u Officer in Charge kaDhula Police Station ha katei ka por ula shah kem noh halor ka jingkynnoh donkti ha kaba set beain ia uwei u riewpaidbah ba lui lui.
