Guwahati, Naiwieng 02: Haduh laingut ki Khynnah khun swet la pyntip ba kila shah rahbor ha ka sngi Balang na ka jaka ri Khunswet ba don ha Tezpur. Kane ka jingjia kala mih pyrthei ha ka sngi Palei.
Kat kum ka jingiathuh ki nongri khunswet, kine ki Khynnah ki dang ialehkai ha phyllaw jong ka jaka ri khunswet hynrei kynsan kynsan kila shu jah rngai bad ym lapdien shuh.
Kine ki Khynnah kila jah na ka Snehabandhan Children’s Home, kaba don ha ka thain Bhairapad jong ka Tezpur.
La suba jur ba kine ki khynnah kila shah rahbor ha ki briew ki bym lah satia ban ithuh.
Ki Nongpyniaid kane ka jaka ri khunswet kila ujor da ka ejahar sha ki Pulit ka thain. Ka jingtohkit mynta kala iaid shakhmat halor kane ka jingjia.
“Ngi la tohkit ia kiba bun ki briew kiba suba donkti ha kane ka jingkynnoh rahbor” ong ki Heh Pulit.
