Guwahati, Jylliew 02 : Uwei u contractor ka Tnad PHE ba kyrteng u Sunil Gagoi, uba ujor halor ki kam bamsap na ka skhim ba pyntrei lyngba ka Jal Jeevan Mission (JJM), kaba lam sha ka jingkem ia u Executive Engineer, ula shah pyniap dusmon hynnin ka miet ha ka thain Dhakuakhana, kaba don ha North Lakhimpur.
Ki runar kiba pyniap ia u, kila thang ruh ia ka met jong une u contractor. Ki Pulit kila pyntip ba ka khlieh jong une u contractor kalajah rngao bad ka jingtohkit mynta kala iaid shakhmat ban lapdien ia ka.
Lah ioh jingtip ba une u contractor u dei ruh u dkhot ba trei shitrhem bha jong ka BJP.
Ha kajuh ka por, u Myntri ka Tnad Pule Puthi Dr Ranoj Pegu ula poi sha kane ka jaka ba lap ia ka met hynne ka step bad pyntip ba ka kynhun CID kala don ha lynti ban pynlong ia ka jingtohkit.
Ula iakynduh ruh ia ki bahaiing u Sunil Gagoi ha ka Iingsah jong ki bad kular ba ki nongpyniap kin sa shah kem noh shen.
