Guwahati, Naiwieng 20: U President ka All India United Democratic Front (AIUDF) Badruddin Ajmal, ula shah khang ban leit rung sha ki 7 tylli ki District ka Assam namar ka jingkynnoh khein poh ia ka ‘Saleng Sador’, kaba dei ka Vaishnavite scarf nala tynrai.
Ha ka rally jong ka Party ba long myn ha ka 14 tarik Naiwieng ha madan Laharighat Block ha Nagaon, u Ajmal la kynnoh ba ula kren poh ia ka ‘Saleng Sador’.
Kane ka jingkren jong u, kala pynbitar lem ia ki nong Assam bad ki jingpynrem kila tuid na kylleng ki jaka ka Jylla.
Ha kawei ka liang, ka Upper Assam Muslim Kalyan Parishad, ka sengbhalang kala pynrem ia kane ka kam bad ai ka jing maham ia u Ajmal bad pynjari ruh ia ka jingkhang ba un leit rung ha ki 7 tylli ki District tad haduh ba un da panmap ia ki kam ba ula leh.
Ia u Ajmal la khang ba un leit rung ha Lakhimpur, Dhemaji, Tinsukia, Dibrugarh, Jorhat, Golaghat bad Sivasagar.
