Dibrugarh, Jylliew 30: Uwei u pastor u la shah kem halor ka jingkynnoh leh beijot ia kawei ka khynnah kynthei kaba dang 16 snem ka rta ha Margherita, Assam.
U pastor u ba la shah kynnoh leh beijot iaka khynnah udei u ba la tip kyrteng kum Pastor Isaac Hapat na Margherita.
La iathuh ba kane ka jingjia ka la jia ha ka 10 tarik Jylliew, ha kaba la kynnoh ba u Issac Hapat u la shim kabu ban leh ia kane ka kam bymman ia ka jingbym don ka kurim jong u ja iing ha kaba u la wanrah ia kane ka khynnah sha iing jong u.
Ka jingjia ka la paw pyrthei ha ka 22 tarik Jylliew 2025 ha kaba katei ka khynnah ka la lait phet bad kala leit phai biang sha la ka jong ka iing ka sem bad haba la iohi ia ka jingtlot bor jong ka met jong ka, ki bahaiing ki la kylli jingkylli ia ka, kaba la ialam sha ka jingpynpaw ia ki jingshah leh beijot jong ka.
Hadien kane ka jingpynpaw pyrthei, ki bahaïing jong kane ka khynnah ha ka miet ki la ujor mardor ïa ka FIR ha Margherita police station namar ba ki bahaïing ki dawa ban leh da kaba tyngeh pyrshah ïa u Isaac Hapat, da kaba dawa ruh ban pynshitom daka ba rai pynïap.
Ia ka case number 76/2025 US 64 BNS, R/W Section 6 jong ka ain POCSO act 2012 la register ha Margherita Police Station.
Ka kynhun jong ki pulit ka Margherita police station hapoh ka jingialam jong u ophisar in-charge u Protap Gogoi ki la kem ia u Pastor Issac Hapat na iing jong u bad la wanrah sha Margherita police station bad la phah ia u sha judicial custody ha Tinsukia.
