Guwahati, Jymmang 16: U MLA ka liang pyrshah jong ka All India United Democratic Front (AIUDF) u Aminul Islam u la set along hapoh ka National Security Act (NSA) ha Assam, Nagaon halor ka jingshah kynnoh ba u iada ia ka Pakistan halor ka jing hiar thma ki lehnoh ka Pakistan ha Pahalgam.
Kane ka jingshah set biang ka jong u, kala wan tang na da ki minit hadien ba u la ioh jamin.
Ha ka 24 tarik u bnai Iaiong une u MLA ba la jop lai sien u la shah kem hadien ba la pynmih ia ka jingkynthoh kaba ialam bakla ia ki paidbah bad kaba la saphriang sted bha.
u Islam u la ioh jamin ha ka sngi Balang, hynrei mar mar u la shah kem biang na Nagaon Central Jail hapoh ka NSA ha kaba iadei bad kajuh ka jingkynnoh bad la set biang ia u ha kajuh ka jaka.
“U Deputy Commissioner uba dei ruh u District Magistrate ka Nagaon u la pynngat ia u Aminul Islam, ue MLA ka Dhing, hapoh ka preventive detention under Section 3(2) jong ka National Security Act, 1980,” ong u myntri rangbah ka Assam.
Ha kawei pat ka liang, ka All India United Democratic Front (AIUDF) kala pynjngai ia lade na ka jingkynthoh une u MLA da kaba ong ba kane ka jingkynthoh kadei na u shimet bad ka party kam don bynta eiei ruh em.
 u Aminul Islam u la set along hapoh ka National Security Act (NSA) ha Assam, Nagaon halor ka jingshah kynnoh ba u iada ia ka Pakistan halor ka jing hiar thma ki lehnoh ka Pakistan ha Pahalgam.){kind=link}