Guwahati, Lber 18 : Uwei u Heh Pulit ba bat ia ka kyrdan Deputy Superintendent of Police (DSP) jong ka Police Training Centre ha Dergaon, Assam, ula shah kem halor ka jingkynnoh pynshitom beain bad leh beijot ia ka Khynnah 15 snem, kaba trei bylla iing bad u.
Une u DSP u kyrteng u Kiran Nath bad la kem ia u ha ka miet sngi U Blei hapoh ka kyndon 376 (ba leh beijot ia ka Khynnah ba hapoh 16 snem), 506 jong ka IPC bad ka kyndon 6 jong ka Protection of Children from Sexual Offences Act (POCSO), 2012.
Kat kum ka jingiathuh kane ka Khynnah, u Kiran Nat hula set ia ka hapoh ka Iingsah jong u bad u ju pynshitom bein ia ka da ka jingiarap lang ki bahaiing hasem. Ka iathuh ba u Nath u ju leh beijot ruh ia ka ha ka rukom kaba khyllah.
Ki bahaiing hasem kane ka Khynnah ha ka miet sngi Saitjain, kila ujor da ka ejahar ha Dergaon Police Station ha Golaghat District bad ki Pulit kila register ia ka case pyrshah ia u Nath ha ka sngi U Blei.
U Director General of Police (DGP) ka Assam Gyanendra Pratab Singh ha ka janmiet sngi U Blei, ula sam ia kane ka khubor lygba ka X, kaba dei mynshuwa ka Twitter.
Reference allegations of sexual misconduct towards the housemaid by a DSP posted at LBPA Dergaon – Case No 42 under section 376,506 of IPC and Section 6 of POCSO Act has been registered at Dergaon PS, District Golaghat.
DSP Kiran Nath, presently posted at @LBPA_Assam has been…— GP Singh (@gpsinghips) March 17, 2024
Ki Pulit ki iathuh ba ka jingtohkit ia kane ka kam kala iaid shaid shaid bad ki dang lum shuh shuh ruh ia ki sakhi satar. Ki pyntip ba kila dep shim ia ka jingbatai ia ka jingjia (statement) na kane ka lanot lem bad kiwei kiwei ki nongai sakhi.
, 506 jong ka IPC bad ka kyndon 6 jong ka Protection of Children from Sexual Offences Act (POCSO), 2012.){kind=link}