Guwahati, Naiwieng 12: Uwei u ehrang ka NSCN-KYA ba bat ia ka kyrdan Area Commander, ula shah kem ha ka jingkhynra jong ki shipai Assan Rifles hynnin ka miet sngi Saitjain ha Tinsukia.
Ha kane ka jingkhynra, ki shipai Assam Rifles kila ioh kurip ia ka rifles China, katto katne ki SIM Card bad bun ki kot ki sla ba donkam.
Kat kum ka khubor, une u Area Commander ka NSCN u dei uba donkti ha kiba bun ki kam bymman bad kam dawa pisa ha ka thain Ledo, Bargolai, Lekhapani, Bomgarha, Tipong Lalpahar, Paharpur bad kiwei kiwei.
Ia une u ehrang kaikhlaw la aiti noh sha ki Pulit ka Lekhapani Police Station ban pynlong ia ka jingtohkit kaba bniah.
Ha kajuh ka por, ki shipai Assam Rifles kila pynlong ia ka jingkhynra kaba jur pyrshah ia ka NSCN-KYA ha ka thain Longding, Tirap bad Changlang kiba hap hapoh Arunachal Pradesh.
