Guwahati, Jymmang 08 : Ki Pulit ka Assam ha ka sngi sngi saitjain, kila kem ia kawei ka Psychiatrist ba paw bha ka Assam ka Dr Sangeeta Dutta halor ka jingkynnoh ba ka lehbein shaba palat liam ia kawei ka Khynnah.
Ia kane ka doktor la kem na kawei ka Iing ba ka shong rieh kaba don ha Umsning, Ri-Bhoi District. Ki Pulit kila lapdien ia ka, bad kila wan rah noh ia Paltan Bazaar Police Station ha kane hi ka miet.
U Kurim ka Sangeeta Dr Waliul ula don mynta hapoh ka jingtohkit ba 5 sngi jong ki Pulit halor kane ka kam bymman.
Ki Pulit kila kem ruh ia ka caretaker Lakshmi Rai, kaba la kynnoh donkti lang ha kane ka kam bad ia kane ka briew la phah sha ka Judicial custody.
Ia kine ki Doktor la kynnoh ba kila lehbein ia kawei ka Khynnah bad kane ka kam kala mih hadien ba uwei u nongtrei mon sngewbha ba iakhun na ka bynta ka hok ki Khynnah u Migueal Das Queah ula thoh ha ka Social Media bad pyntip ia kaei kaba jia ia kane ka Khynnah.
Kat kum ka jingkynnoh, kine ki doktor kila teh ia kane ka Khun ba shu ting ha tnum iing hapdeng ka jingshit kyrang ka sngi kum ka jingpynshitom ba ka tamsneng.
