spot_img

Assam : Rit mynsiem ki MLA na ka thliew kuli ha ka khalaki ka MLA Hostel

Date:

Share post:

Guwahati, Naiwieng 13 : Ki Nongthaw Ain ka Assam kiba sah hapoh ka MLA Hostel ha Dispur, Assam, kila rit mynsiem na ka jinglap ia ka thliew kuli ha kawei na ki khalaki jong kane ka Hostel.

Kane ka thliew kuli ka don ha kawei na ki iit jong ka mawkyndon ban rung sha ka Block C jong ka hostel.

Ia ka jingdon jong kane ka thliew kuli la pyntip hynnin ka sngi u Blei da u Nongialam ka Liang Pyrshah ka Iingdorbar Thaw Ain Debrata Saikia uba la pynpaw ia ka jingsngewkhia ia kane ka kam.

Ki MLA ba kynthup ia Rupjyoti Kurmi bad Mrinal Saikia, ki dei kiba sah ha ka mala ba nyngkong jong ka MLA Quarter katba u MLA ka Congress Rakibul Hussain bad u MLA ka AIUDF Rafiqul Islam ki sah ha ka mala kaba ar bad u MLA bad Nongialam ka Liang Pyrshah Debabrata Saikia bad u MLA ka BJP Dipayan Chakraborty ki sah ha ka mala kaba lai.

Haba iakren bad ki nongthoh khubor, u Police Commissioner ka Guwahati Diganta Bara hula ong ba kane ka jingjia ka dang don hapdeng ka jingtohkit.

U iathuh ba katto katne ki briew ka thain kila pyntip sha ki Pulit ba kane ka thliew kala don la palat shibnai hynrei u Nongialam ka Liang Pyrshah u pyntip ba u dang lap hynnin ka sngi.

Share post:

spot_img
spot_img

Popular

More like this
Related

Iai bteng ka Khasi Author Society ban tynruh ba kan rung ka Ktien Khasi ha ka 8th Schedule

Shillong, Jylliew 07 : Ka Synjuk Ki Nongthohkot Khasi...

CBI arrests ex-PNB manager, businessman in bribery case across Assam and Nagaland

Guwahati, June 7: The Central Bureau of Investigation (CBI)...

Assam | Kem ka CBI ia u Manager barim ka PNB bad nongkhaii ba ban pisa ha Assam bad Nagaland

Guwahati, Jylliew 7: Ka Central Bureau of Investigation (CBI)...

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...