Assam : Rat na dyngkhong ki Pulit ia ka kynhun Kaikhlaw ba dang thmu sei khlieh

Date:

Share post:

Guwahati, Nailar 13: Hashuwa ka sngi laitluid ka Ri India, ki bor pahara ki la lah ban khanglad bad rat naduh dyngkhong ia kawei ka kynhun lehnoh kaba dang sdang khie sdang san, ha ka jingkhynra hapoh ka khlaw ba sangam bha jong ka thain Kokrajhar-Chirang.

Kane ka kynhun ka don ym duna ia ka 20 ngut ki samla shimet bad lah ioh ban kurup ia bun ki tiar siat kiba heh.

Ki tiar ba la ioh kurup ka kynthup ia 6 tylli ki suloi Automatic, 4 tylli ki suloi single-shot, 4 tylli ki pistol ba don ki magazine, phra tylli ki bom grenade.

Assam : Rat na dyngkhong ki Pulit ia ka kynhun Kaikhlaw ba dang thmu sei khlieh

U Heh Pulit ka Kokrajhar u la ong, “Ngi la ioh jingtip ha kaba iadei bad ka jingdon jong ki kynhun kaikhlaw. Ngi la pynlong ia ka jingkhynra lang bad ngi la ioh ban kem ia ki lehnoh bad lap ia ka jaka buh tiar bad ki kuli,”.

Lyngba ka twitter X, u DGP ka Assam u GP Singh u la ong, “Kawei pat ka jingjop na ka bynta ka @assampolice. Ha ki khlaw Kokrajhar-Chirang, ngi la lah ban khanglad bad rat na dyngkhong ia ka kynhun jong ki 20 ngut ki samla kiba la pyrshang ban thaw ia ka kynhun kaikhlaw ba thymmai naduh u snem ba la dep.

Ki tiar ialeh ba kynthup ki Suloi Automatic: 06
Single shot rifle: 04
Pistol bad Magazine: 03
No 36 U bom: 05
Ki suloi AK l: 54 tylli ki kuli
Ki tiar siat Pistol: 09 tylli.
Ki jingai khublei ia @KokrajharP na ka bynta ka jingtrei shitom. Ngi ialeh ban pynlong ia ka jylla jong ngi kaba lait na ki tiar ialeh & jingleh donbor.

Share post:

spot_img

Popular

More like this
Related

Assam | Thlim mih ka jingkular na ka kam tih shyiap be-ain | Mynsaw 4 ngut ki Pulit, shah kem 34 ngut

Guwahati, Iaiong 26: Ka jingïakynad kaba jur kala jia...

Assam | Shah kem 17 ngut na kylleng ki Jylla NE ba kynthoh pyrshah Ri halor ka jingjia Pahalgam

Guwahati, Iaiong 26: Kumba khat hynniew ngut ki riew...

Buh dak jingkylli ka HITO ia ka Shillong Citizen Forum | Dei ban leh tyngeh ba phah khang khyrdep ia ki dukan

Shillong, APR 27: Ka Hynñiewtrep Integrated Territorial Organization (HITO)...

Assam | Kyntu u CM ka Assam ia ka Sorkar India ban leh tyngeh kumjuh ia ka Bangladesh

Dibrugarh, Iaiong 27: U Myntri Rangbah ka Jylla Assam...