Guwahati, Lber 10: U Myntri Rangbah ka Assam Himanta Biswa Sarma ula ong ba kano kano ka jingpyrshang ban leh thok ha ki eksamin paidbah (punlic Examination) kin long mynta kiba kham jwat ban leh hadien ka rai jong ka Kynhun Myntri ka Sorkar Jylla.
Haba ïa kren bad ki lad pathai khubor, u Himanta Biswa Sarm u la ong, “Ka kynhun myntri sorkar ka la shim ïa ka rai ba ïa ka NEET entrance exam yn pynlong ha ki skul sorkar kum ki centre, hynrei ha ki katto katne ki distrik jong ka Assam yn pynlong ha ki kolej shimet kum ka centre,”.
Shuh shuh u Himanta Biswa Sharma u la iathuh ba “Ki professor jong ki medical college ki la ïathuh ba ki samla pule kiba ïoh rung ha kine ki college, hadien ba ki la ïoh ïa ki mark kiba bha hynrei ha ka jingstad ka jong ki kam shym long kumba khmih lynti. Kumta, ha ki ar snem mynshwa, ngi la aiti ïa kane ka kam sha ka tnad special branch ban pynlong ïa ka jingtohkit bad ha ka jingtohkit ka jong ki la shem kiba bun na ki centre ba pynlong ïa ka entrance exam kidei ki skul shimet bad ha Hojai ha kaba lai tyli ki skul shimet la pyndonkam kum ki medical entrance centre” ong u Sharma.
U Himanta Biswa Sharma u la ong, “Ka kynhun myntri kala shim ïa ka rai ba nangne shakhmat, ïa ka skul sorkar yn pyndonkam kum ki centre na ka bynta ka entrance test bad kumba long ka eksamin ADRE ki DC bad SP kin khmih ïa ki jaka leh eksamin bad hadien ba la dep ban leh ïa ka biometric verification yn sa shah ïa ki khynnah ban rung sha ki jaka thoh eksamin ne ka centre”.
Shuh shuh u Sharma u la pynpaw ba “U ngeit skhem ba da ka jingpyntrei kam ia kane kin sa lah ban pynlong ïa ka jaka ban ioh rung ban pule doctor kan long kaba khuid bad kaba suba u la ong bad bynrap ruh ba la aiti sha u chief secretary ban ïa kren bad ka National Testing Authority of India ha kaba iadei bad kane ka kam,” ong u Sarma.
 kin long mynta kiba kham jwat ban leh hadien ka rai jong ka Kynhun Myntri ka Sorkar Jylla.){kind=link}