Guwahati, Rymphang 06: U Myntri Rangbah ka Assam Himanta Biswa Sarma ula ther tyngeh ia u Nongialam ka Congress Rahul Gandhi hadien ka jingsaphriang ka video ba pyni ba u tyrwa biskit ksew sha ki nongkyrshan haba kyntait u ksew ban bam.
Ha ka video bala thep da ka Bharat Jodo Nyay Yatra ha X, la iohi ba u Rahul Gandhi ula khroh ia iwei I khun ksew ha ka por ba long ha Yatra ha Jharkhand. Ha kane ka video, u Rahul Gandhi ula pan ia ka packet jong u biskit bad la iohi ruh ba ula ai biskit ia ine I khun ksew.
U Myntri Rangbah ka Assam uba la pynsaphriang lang ia kane ka videi ha X ula jubab ia ka tweet u Pallavi CT bad ong ba u dei tang ma u na ki nongialam ka Congress uba la kyntait ban bam ia u biskit na kajuh ka pliang jong u ksew u Rahul Gandhi.
“U Pallavi, ym tang u Rahul Gandhi hynrei baroh shi iing kim lah ban pynbor ia nga ban bam ia u biskit. Nga dei u nong Assam ba shisha bad u nong India. Nga kyntait ban bam bad nga la iehnohkam na ka congress” ula pynshai.
Pallavi ji, not only Rahul Gandhi but the entire family could not make me eat that biscuit. I am a proud Assamese and Indian . I refused to eat and resign from the Congress. https://t.co/ywumO3iuBr
— Himanta Biswa Sarma (@himantabiswa) February 5, 2024
Ha u bnai Jylliew 2021, u Himanta ula pyntip ba ula iakynduh ia u Rahul Gandhi hashuwa ka elekshon 2016 ban iakren ia ki jingeh ha Assam bad la tyrwa sha bad biskit ia u. Haba iathuh khana ia kane, ula ong “La ai sha ia ngi bad u biskot, u ksew ula kiew halor bad bam ia uwei u biskit na ka miej. U Rahul ula peit ia nga bad rkhie. Nga dang mut ba u rkhie bad nga dang ap ia u Rahul ba un khot ia ki briew ba kin bujli ia ka pliang biskit hynrei tang katto katne por, nga iohi ia ki nong ialam ka Congress Joshi bad Gagoi, baroh ki iabam ia u biskit na kane ka pliang bala bam u ksew”.
“Watla ngam ju kham leit, hadien nga shem ba kane ka ju jia man ka por ha man ki jingialang. Ha katei ka sngi, nga la rai ba ngam lah ban iatreikam lang bad une u briew (Rahul Gandhi)” ong u Himanta.
