Guwahati, Risaw 14: Ka Central Bureau of Investigation (CBI) kala registered case pyrshah ia ar ngut ki senior officers jong ka tnad Public Works Department (PWD), Bongaigaon, bad ia u wei u architect jong ka private company halor ka jingkynnoh ba ki pynbor ia ka Joshita Das, Assistant Engineer, PWD, Bongaigaon ban bthat jubor ia la ka jong ka jingim.
Ka CBI ka la shimti ïa kane ka jingtohkit hadien ka hukum jong ka Sorkar Assam kaba la bthah ha ka 11 tarik Nailar 2025, bad ka jingpynbna hadien kata na ka tnad Personnel and Training (DoPT), ka Sorkar India, kaba la pynmih ha ka 7 tarik Risaw 2025, kaba la pynkynriah ïa ka Bongaigaon Police Station Case No. 188/2025 sha ka Central agency.
Kat kum ka ejahar jong ka CBI, la kynnoh ba katei ka enjiniar ba la khlad noh ka la shah pynbor ha ka kam kaba khia bad kaba be-aiñ da ki senior bad ki paralok ba kynthup ïa u Executive Engineer u ba la shah kynnoh, u SDO (PWD, Bongaigaon), bad u wei u architect ka company shimet ha kaba iadei bad ka jingtei ia ka PWD mini stadium project ha Bongaigaon.
La kynnoh ba ka Joshita Das ka la shah pynbor, shah byrngem, bad shah pyntieng ha ka kam runar ban pynkhreh bad mynjur ia ki jingkhein bad ki bill bym dei ne iahap na ka bynta katei ka projek, wat hapdeng ka jingpyrshah jong ka. La iathuh ba ka jingshah lehbein ha ka bor pyrkhat bad ha ka kam ka la ktah jur ia ka, ha kaba khatduh ka la pynlong ia ka ban pynkut noh ia la ka jingim.
Ka CBI ka la register ia ka case ha ka 13 tarik u Risaw, 2025, hapoh ka jingshah kynnoh kaba iadei bad ka jingpynbor ban pyniap ialade bad ka jingpyntieng pynsmiej. Ka jingtohkit halor ki jingkynnoh bad ki jingjia kiba don sawdong ka dang iaid sha khmat mynta.
 kala registered case pyrshah ia ar ngut ki senior officers jong ka tnad Public Works Department (PWD), Bongaigaon, bad ia u wei u architect jong ka private company halor ka jingkynnoh ba ki pynbor ia ka Joshita Das, Assistant Engineer, PWD, Bongaigaon ban bthat jubor ia la ka jong ka jingim.){kind=link}