Guwahati, Lber 28: Ka Central Bureau of Investigation (CBI) ka la register ar tylli ki case pyrshah ia u Branch Manager barim jong ka State Bank of India (SBI) jong ka Ramakrishnagar Branch, Karimganj, Assam, bad ia arngut ki riew shimet halor ka jingkynnoh shukor pisa na Bank, ka jingbam pisa bad bamsap.
Une u Branch Manager ba shah kynnoh, ba u don ka jingiatreilang bad ki riew shim ram, u la ai jingbit ia ki Xpress Credit Loans sha ki nongshim ram ki bym dei hok ban shim ram hapdeng u snem 2023 bad 2024 ha ka jingsiew bai lutksan, ia kaba la iathuh ba la lum da kitei ki arngut ki riew shim ram bad kiwei pat ki bym pat lah ban ithuh.
Halor kane, la pynlong ia ka jingtalasi ha ki saw tylli ki jaka, ba kynthup ia ka Gaya (Bihar), Hailakandi (Assam), bad ar tylli ki jaka ha Silchar (Assam).
Na kane ka jingkhynra lah ioh ban kurup ia ki jingdeng kiba bun bha na ka iing sah jong u Branch Manager barim ha Silchar, Assam, ba kynthup kumba 481 gram ka ksiar, 11.11 gram u mawkordor, bad 1,092.80 gram u rupa.
Nalor kata, la kurup ruh ïa ki kot ki sla kiba ïadei bad ki ram jong ka Xpress Credit bad la ioh kurup ruh ia ki tiar Electronic, kiba kynthup ia ka SSD jong ka Computer, ka mobile phone, bad ka tablet bad ka jingtohkit halor kane ka dang iaid shakhmat.
 ka la register ar tylli ki case pyrshah ia u Branch Manager barim jong ka State Bank of India (SBI) jong ka Ramakrishnagar Branch, Karimganj, Assam, bad ia arngut ki riew shimet halor ka jingkynnoh shukor pisa na Bank, ka jingbam pisa bad bamsap.){kind=link}