Guwahati, Naitung 07 : Uwei u samla pule ba 16 snem jong kawei ka skul shimet ha Sivasagar, Assam, ula dung pyniap iala u jong u nonghikai chemistry hapoh ka kamra klas ha ka sngi Saitjain hadien ka jingshah set skul namar ka jingbym lehbha ia ka sobjek.
Kat kum ka khubor, kane ka jingjiakala jia katba ka jingshim klas ka dang iaid shakhmat bad une u samla pule ula leit thom beit beit ia u Nonghikai Rajesh Babu da ka kynja tiar ba nep.
“Ha ka por 3:15 janmiet, uwei u samla pule ula dung iala u nonghikai hapoh kamra klas jong ka skul. La pynkit noh ia u sha hospital, hynrei ki doktor kila pynbna ba ula iap. Ngi la kem ia une u samla pule” ong u Heh Pulit.
Uwei u samla uba sakhi ia kane ka jingjia ba ishyrkhei, ula pyntip ba une u samla ba dung, ula mih na skul bad wanphai da ka jain iing. Haba u rung ha klas, u nonghikai ula kylli ia u ban mih da kaba jai jai bad haba ula saitlah ia kane, u nonghikai ula tim ia u, kaba lam sha kane ka jingjia.
Ki Pulit kila pynlong ia ka jingtohkit halor kane ka jingjia.
