Guwahati, Nailar 12 : Kawei ka Nongialam jong ka BJP ha Assam, la kynnoh ba kala dkhat jubor iala ka jong ka jingim ha Guwahati hadien ba saphriang paidbah ki dur ialeh ieid jong ka bad uwei u Nongialam ka party.
Kat kum ka khubor Pulit, kane ka Nongialam ka BJP ka dei ka Indrani Tahbildar bad la lap ia ka metiap jong ka hapoh ka Iingsah kaba don ha Bamunimaidam, Guwahati ha ka sngi Thohdieng.
Ka Indrani Tahbildar ba 48 snem ka rta, ka dei ka Secretary jong ka Assam BJP Kisan Morcha.
Ka dur jong ka Tahbildar ba ialeh ieid bad uwei u Nongialam ba hakhlieh ka BJP, kala saphriang paidbah ha ki rynsan social media ha kane ka step.
Ki Pulit ki suba jur ba lehse ki dei kine ki dur kiba pynlong ia ka ban shim ia kat kane ka sienjam.
Kane ka jingjia kala pynkhin win ha ka party namar ka Tahbildar ka dei ruh ka briew bala paw bha ha ka BJP bad ka dei ruh ka Vice President jong ka Chambers of Commerce.
“Ngi la sdang tohkit ia kane ka jingjia. Ngi la register ia ka case bad ngi la phah ia ka met sha ka Gauhati Medical College and Hospital (GMHC) ban leh post mortem” ong ki Heh Pulit.
Also read: Iap u Khynnah na ka jingdait ksew, ban jur ki bor khmih ban ai injek rabies
