Guwahati, Naitung 06 : Palat 1100 ngut ki ehrang kiba dei jong ki phra tylli ki kynhun kaikhlaw ka jaidbynriew Adivasi, kila wan ban pyndem wait bad wanphai pat sha ka imlang sahlang hynne ka sngi Palei ha Guwahati.
Napdeng kine ki phra tylli ki kynhun, lai tylli ki dei kiba iapait iapra.
Ia kane ka jingpyndem wait la pynlong ha Srimanta Sankardev Kalakshetra ha Pynjabari Area, Guwahati kaba la wan ia shimbynta ruh da u Myntri Rangbah ka Assam Himanta Biswa Sarma, ki Heh Ophisar ka Tnad kam Pohiing bad ki Pulit ka Assam.
Kine ki ehrang ki dei jong ka kynhun All Adivasi National Liberation Army (AANLA), ANNLA (FG), Birsa Commando Force (BCF), BCF (BT), Santhal Tiger Force, Adivasi Cobra Militant of Assam (ACMA), ACMA (FC), bad Adivasi People’s Army (APA). Kine ki kynhun ki dei kiba don hapdeng ka soskular sangeh iasiat naduh u snem 2016.
Kine ki ehrang kaikhlaw kila pyndem haduh 304 tylli ki tiar siat bad 1460 tylli ki kuli ba kynthup ia 7- AK-47 rifles, 20- .303 rifles, 4- SLR rifles, 4 carbines, 2- G3 rifles, 1- Insas rifle, 1- LMG, 124 pistols, 30 Semi automatic rifles, 20 grenades, 10- IEDs, 2kg RDX bad 2.5 kg TNT.
