Guwahati, Nailur 12: U Myntri Rangbah ka Jylla Assam u Himanta Biswa Sarma ha ka sngi Thohdieng, u la pyntip baka Bharatiya Janata Party (BJP) kala pyllait ia ka mat treikam lane ka manifesto na ka bynta ka ilekshon Bodoland Territorial Council (BTC) ka ban long haka 22 tarik Nailur 2025.
Haba kren sha ki lad pathai khubor, u Himanta u la ong, “Ngi la pyllait ïa ki mat lane ka manifesto na ka bynta ka elekshon BTC ka ban sa wan bad ha kane ka mat ngi la kular ba ngin pyntreikam 100% iaka Bodo Peace Accord. Ngin tei ïa ki jingtei ba thymmai ha ka thaiñ BTC. Ki jaka pule ba kham heh kyrdan bad kiba thymmai ngin tei haka thain BTC”.
“Ngin sa shim ruh ia ki lad ki lynti ban pynkupbor ia ki lomgkmie bad iaki kynthei jong ngi bad jong ka BTC” ula ong.
U Myntri Rangbah ula bynrap daka ba ong “Ngi la pynrem jur ia ka Congress kaba la pynjah burom ia u PM Modi bad ia ka kmie jong u. Ki paidbah jong ka Bihar kin ai jinghikai ia ki bad nga ngeit ba ki paidbah jong ka ri ki sngewkhia namar ba ka kmie ka dei ka kmie bad kito kiba kwah ban pynjah burom ia ka kmie kin ym jop”.
Ka BJP ka lah ban iateh paralok bad ar tylli ki sengsain pyrthei riewlum na ka bynta ka elekshon BTC kaba don 40 ngut ki dkhot, kaba la buh ban long ha ka 22 tarik Nailur.
Lah ban ong ruh baka elekshon BTC kan long kum ka jingtynjuh iaki nongthep Vote bad kan dei ruh ka jingpynkhreh naka bynta ka elekshon sha ka Iingdorbar Thaw Ain jong ka Jylla Assam ka ban long ha u 2026.
Ka BTC ka dei ka District Council ba laitluid kaba hap hapoh ka khyrnit kaba hynriew jong ka riti synshar ka ri India.
 kala pyllait ia ka mat treikam lane ka manifesto na ka bynta ka ilekshon Bodoland Territorial Council (BTC) ka ban long haka 22 tarik Nailur 2025.){kind=link}