Dibrugarh, Rymphang 4: Saw ngut ki koidi kila iohphet na phatok jong ka Sadiya District Jail, kaba hap hapoh ka Tinsukia district, ha ka step sngi Balang kaba la pynlong ia ki Pulit ban pynlong ia ka jingkhynra kaba jur bha ha katei ka thain.
Kitei ki koidi ba la lait phet ki dei kiba la tip kyrteng kum u Nabin Buragohain, u Amlanjyoti Chetia, u Sasadhar Deori bad u Huntu Sonowal.
Hadien ka jingïoh ban phet na phatok, ki pulit ka Sadiya ki la pynlong ia ka jingwad briew kaba jur bha ban wad bad kem ia kitei ki saw ngut. Kane ka jingjia ka la jia ka la pynmih ia ka jingsngewkhia kaba jur halor ka jinglah ban don ka jingthut ha ka liang ka jingpahara ha katei ka phatok.
Ki bor ba dei khmih jong ka distrik naduh katei ka por ki la khang khyrdep ïa ki katto katne ki jaka mih ha kylleng ki jaka jong ka Tinsukia ban khanglad ïa ki nongphet na phatok ban ïaid lait ïa ki khappud distrik ne ki jaka khappud jong ka jylla.
La khmih lynti ba kan don ka jingtohkit ban pynthikna la ka don ne em ka jingbym shim khia na ka liang ki nongtrei phatok kiba don ha ka kam, kaba pynlong ia ka jingiohlad ia ki koidi ban ioh phet.
Kane kam dei ka jingjia kaba dang nyngkong ha Assam, namar ba ki la don mynshwa ruh ki jingjia kiba ki koidi kila ioh ban phet na phatok ha kane ka jylla, watla hadien la ioh ban kem biang ia ki.
