Guwahati, Risaw 18: Ha kawei na ka jinglap halor ka jinglait tuh ka khajna, ka Directorate General of GST Intelligence (DGGI), Guwahati Zonal Unit, kala paw paidbah ia ka jingleh thok kaba heh bha kaba la kot shaduh ka ₹83 klur kaba iadei bad ki kam khaii tuh ba rieh da uwei u Mukesh Agarmin Agarwal (46) uba la shah kynnoh ba u dei uba thmu ne plan bad uba donkti narieh halor ka M/s Balaji Concast bad ka M/s Balaji Steel Rolling Mills.
Katkum ki tyllong khubor, la iathuh ba u Agarwal u la shah kem hadien ba ka jingtohkit ki la lap ba u la trei ia ka kam shna bad pynpoi rieh (supply) ia ka MS Ingots bad ki TMT Bars khlem da ai ia ki invoice jong ka GST. Ka jingpynïaid be-aiñ ki la pynlong ïa ka jinglaittuh ka khajna kaba la kot sha ka ₹83 klur, kaba pynkheiñ ïa ka kyndon 16 jong ka ain Central Goods and Services Tax (CGST) Act, 2017, kaba bthah ïa ki kot ki sla kiba biang bad ka jingsiew bai lutksan na ka bynta ban ïoh ïa ka input tax credit .
Hadien ka jingshah kem jong u, ia u Agarwal la set nyngkong hapoh ka departmental custody, bad lyngba ka jingkyrpad ban bah jamin ne bail la kyntait da ki bor bishar kiba dei peit.Ka jingbishar hadien ki la ïohi ruh ba la kyntait ïa ka jamin jong u, hadien kata la phah ïa u sha ka judicial custody ba 14 sngi.
Uwei u heh ophisar jong ka DGGI u la pynpaw ba kane ka jingkem ka long kum ka jingmaham kaba jur ïa ki nongleh tuh ne lehthok ia ka khajna bad ki nongpynïaid thok kiba pyrshang ban pyndonkam bakla ïa ka rukom treikam jong ka GST na ka bynta ban ïoh jingmyntoi be-aiñ. Ka jingtohkit ka dang bteng ban wad ia kiwei pat ki kynhun kiba don jingiadei bad katei ka kam runar bad ban ioh biang ia ka pisa ba la laittuh.
Ka Directorate ka la pynpaw ia ka jinglong ba aiti lut ban pynneh ia ka jinglong hok jong ka rukom pyniaid GST bad kyntu ia baroh ki jaka treikam ba kin pynthikna ia ka jinglong kaba shai bad ka jingbud ryntih ia ka ain ban lait na ka jingpynshitom kaba tyngeh hapoh jong ka ain CGST Act.
, Guwahati Zonal Unit, kala paw paidbah ia ka jingleh thok kaba heh bha kaba la kot shaduh ka ₹83 klur kaba iadei bad ki kam khaii tuh ba rieh da uwei u Mukesh Agarmin Agarwal (46) uba la shah kynnoh ba u dei uba thmu ne plan bad uba donkti narieh halor ka M/s Balaji Concast bad ka M/s Balaji Steel Rolling Mills.){kind=link}