Guwahati, K’lyngkot 7: Uwei u Pulit ula ngam jyllop ha wah Brahmaputra hadien ka jinghap na ka lieng ha ka thain South Salmara Mankachar, Assam hynne ka sngi U Blei.
Une u Pulit u dei uba la tip kyrteng u Kaushal Kalita.
Kat kum ka khubor, une u Pulit uba dei u PSO jong u Deputy Inspector General ka District, u dang don ha lynti ban leit sha Bandihana Police Station ha ka lieng na Fakirganj kaba don ha South Salmara.
La ong ba une u Pulit kynsan kynsan ula iapler bad hap nalor ka lieng sha wah Brahmaputra.
“U Deputy Inspector General of Police kynthup u Superintendent of Police ka District, ki dang don ha lynti na Fakirganj Police Station sha Bandihana Police Station haba kynsan kynsan une u PSO ula hap nalor ka lieng bad jah rngai syndon” ong ki Pulit.
Ka jingwad ia une u Pulit kala iaid shaid shaid bad hadien arkynta, ia ka metiap la ioh ban tam napoh ka wah.
