Guwahati, Jylliew 29: Ka leit ka wan da ka lynti rei hapdeng ka South Assam, Tripura, Manipur bad Mizoram bad kumjuh ruh sha kiwei pat ki bynta jong ka ri lyngba ka Guwahati, kan sa sdang biang hadien ka 29 tarik mynta u bnai Jylliew.
Ka leit ka wan ne ka jintrei kam jong ki rel ha Lumding–Badarpur Hill Section jong ka Lumding Division kala thut naduh ka 23 tarik mynta u bnai Jylliew, hadien ka jingtwa khyndew ba shyrkhei bha kaba la pynjulor lut ia ia ki lynti rel (railway track) ha ki jaka ba long lum.
U Chief Public Relations Officer (CPRO) ka Northeast Frontier Railway (NFR) u Kapinjal Kishore Sharma ha ka sngi Saitjain u la ong, ka leit ka wan jong ki rel ha ki bynta ba shah ktah na ka jingshah pynjulor ha ki byntaa jong ka Lumding–New Haflong jong ka Lumding–Badarpur Hill Section yn sa sdang biang ha ka sngi u Blei hadien ba la dep ban shna pynbha biang ia ki.
“Ka jingpyrshang ban pynbha ïa ka jaka ba la shah ktah ka dang ïaid sha khmat mynta khnang ban wanrah biang ïa ka jingïaid jong ki rel kaba thikna ha kane ka thain,” ong u Sharma.
Hadien ba la dep ban pynbha ia ki bynta jong ka Sealdah–Silchar Kanchenjunga Express, ia kaba la sdang biang ia ka jingiaid ki rel ha ka sngi Saitjain ka 28 tarik u Jylliew, kin dei ki passenger trail ne ki rel kit briew ia ki nongleit nongwan ba nyngkong eh ba kin iaid na kajuh ka lynti hadien ba la dep ban shna pynbha.
