Guwahati, Risaw 1: Ka Union Cabinet jong ka sorkar kmie kala ai ka jingmynjur ban pynheh ia ka bynta ka surok kaba la don lypa ha Kalibor–Numaligarh section jong ka NH-715 sha ka four-lane highway, bad kyrpang ia ka lynti iaid jong ki mard ha kylleng ki bynta jong ka Kaziranga National Park. Ka projek kaba ₹6,957 klur la khmih lynti ba kan long ka jingkylla na ka bynta ka jingpyniasoh bad ka jingpynneh pynsah ha Assam.
Ia kane ka projek ba 85.675 km yn pyntreikam lyngba ka Engineering, Procurement and Construction (EPC) mode. Ka kynthup ia ka lynti iaid kjat kaba 34.5 km ban ailad ia ka jingleit jingwan ki mrad khlaw khlem jingkhanglad hapdeng ka Kaziranga National Park bad ka Karbi Anglong Hills, ha kaba ki mrad ki iaid shawei pat ha ka por ba jur ka jingshlei um man la u snem. Ka surok bah kaba la don lypa, kaba dei mynta ka surok two lane, bad kane kala bna nam bha na ka bynta ka jingiap ki mrad namar ki kali ki pynher sted.
Na ka liang u Myntri Rangbah ka jylla Assam u Himanta Biswa Sarma u la ong ha ka X- Kane ka projek ka kynthup ruh ia ka Elevated Corridor kaba 34 km ha Kaziranga ka ban pynsuk ia ka iaid ka ieng bad ha kajuh ka por ban iada ia ka jingim ki para mrad kiba la kylla long ki lanot na ki jingjia aksiden.
Ban pynduna shuh shuh ia ka jingkhapngiah, kane ka projek kan pynheh ia ka surok kaba la don lypa kaba 30.22 km bad kan shna ia ki greenfield bypasses kaba 21 km ha kylleng ka Jakhalabandha (Nagaon) bad Bokakhat (Golaghat). Kane kan pynbha ia ka jingshngain na ka bynta ki nongleit nongwan bad ki mrad khlaw kumjuh katba ka pynbha ia ka jingpyniasoh hapdeng ka Guwahati, Kaziranga, bad Numaligarh.
Ka jingpynheh ia ki lynti kan pyniasoh bad ka NH-127, NH-129, bad ka SH-35, bad kane kan pyniasoh ha ki jaka jong ka ioh ka kot bad kumjuh ruh ha ka kam jngoh kai pyrthei.Shuh shuh kane kan pyniasoh ruh bad lai tylli ki railway stations ba khraw—kum ka Nagaon, Jakhalabandha, bad ka Biswanath Chariali—bad ia ki lai tylli ki airports—Tezpur, Lilabari, bad Jorhat.
Ki heh sorkar ki la ong ba kane ka projek la khmih lynti ba kan kyntiew shibun ïa ka kam jngohkai pyrthei, ka khaii pateng, bad ka kam karkhana, ha kajuh ka por kan pynmih ruh ïa ka jingkheiñ ba 15.42 lak ngut ki briew-sngi jong ka kam beit bad 19.19 lak ngut ki briew-sngi ki bym beit.
Ki heh ophisar kila ong ba na kane ka project la khmih lynti ba kan khring bha ia ka kam jngohkai, ka khaii pateng bad ka industry kumjuh ruh la khmih lynti ba kan ai kam haduh 15.42 lak ngut ki briew man ka sngi bad 19.19 lak ngut ki briew indirectly.
Kaba kongsan ka long ba ia ka jingpynheh ia ka surok bah la iohi kum ka nuksa ban pyniadei ia ka roi ka par bad ka mariang. Ka Kaziranga, kaba dei ka jaka ba la buh kyrpang da ka UNESCO World Heritage Site, ka ju shlei um ha ka por slap bad kane ka pynlong ia ki mrad kum ki rhinos, ki hati bad ki skei ban kam sha shilliang jong ka surok bah bad kan ka pynlong ia ki ban mad ia ki jingsngewsih ha surok.Kane ka lynti la khmih lynti kan pynduna bha ia ka jingjia aksident ia ki mard.
Shisien ba la dep, ka bynta jong ka Kalibor–Numaligarh la khmih lynti ba kan khring bha ia ka ioh ka kot bad ha ka kam jngohkai pyrthei na ka bynta ka jylla Assam bad kane kan pynkhlain ruh ka jingiadei hapdeng ki jaka kharkhana, ki jaka niam bad ruh ia ka national parks.
