Dibrugarh, Nohprah 6: Uwei u Nongthoh khubor ka Assam, ula leit ban pyniasoh ialade kum u dkhot jong ka kynhun United Liberation Front of Asom (Independent).
Une u Nongthoh khubor u kyrteng u Bidyut Mahanta uba dei na Naharkatia ha Dibrugarh. U Mahanta ula buh ruh ia ka jingthoh kaba jrong bha da ka ktien Assamese ha Facebook ba pynpaw ia ka jingkwah jong u ban pyniasoh sha kane ka kynhun kiengatiar bala khein be-ain.
Ka khubor ba leit pyniasoh u Mahanta sha ka ULFA-I kala pynkyndit bha ia ki paidbah hapoh ka thain.
Kane ka jingjia kala pynkhuslai bha ia uba bun balang namar ka jingnang bun ki samla kiba la leit pyniasoh ialade sha kane ka kynhun kiengatiar.
Ym pat lah ban tip haduh mynta balei ba u Bisyut Mahanta ula pyniasoh sha kane ka kynhun.
Dang ha ka 4 tarik Naiwieng, u Manash Borgohain na Golaghat District, ula pynbna paidbah ia ka jingdon jingiadei bad ka ULFA-I lyngba ka video ba ula thep ha ki social media.
Ki khubor ki iathuh baka ULFA-I kala sdang biang ia ka jingpynrung dkhot thymmai bad kala wad ia ki samla khamtam kiba la nang la stad ba kin wan pyniasoh.
