Guwahati, Iaiong 18: U Myntri Rangbah ka Assam u Himanta Biswa Sarma ha ka sngi Palei u la ong ka Karbi Anglong, ha ki por ba mynshwa kadei ka ktem bah jong ki kam kaikhlaw hynrei la sakhi ia ka jingkylla ba khraw naduh ba la ia soi ia ka soskular iasuk bad ki hynriew tylli ki seng kaikhlaw ha u snem 2021.
Haba kren ha kawei ka jingialang u Sarma u la ong, “Ka District kaba ju mih ka jingklumar ka la sakhi ia ka jingkylla ha ka roi ka par lyngba ka jingpynleit jingmut ia ka ktem kai khlaw ban pynlong ha ka imlang ka sahlang kaba shngain”.
“Na ki ktang suloi sha ka rep ka riang bad na ki kam pyntriem sha ki nongseng kam bad ai kam ai jam ia kiwei, Ia ka Karbi Anglong la sakhi ia ka jingkylla ba khraw ha kine ki snem kiba la leit noh, la thoh u Sarma ha ka X.
Ha ka jingleit ban jngoh u Myntri Rangbah u la ia kynduh bad ki nongialam jong kine ki hynriew tylli ki kynhun kiba la ia soi ia ka sos kular iasuk bad la ioh ban phaidien ne review ha kaba iadei bad ka jingpyntrei kam ia ki jingkular ba la iateh.
“Ka sorkar jylla kan pyntrei kam ia ka Karbi peace accord ha ka rukom kaba dei ban pynkyntiew ia ki kam pynroi ka ban long haduh ₹1,000 klur ka song pisa” , ong u Sarma.
Shuh shuh u la ong, “ha kane ka sngi ngan khmih bniah ha kaba iadei bad ka kular ban pyntrei kam ha kaba iadei bad ki dkhot barim jong kine ki hynriew tylli ki kynhun”.
