Guwahati, Rymphang 12: U Myntri Rangbah ka Assam Himanta Biswa Sarma ha ka sngi Palei u la kam ba lai ngut ki nongïalam kiba don ïa ka kyrteng Gogoi ha ka BJP ki “kham khlaiñ” ban ïa ki lai ngut ki nongïalam liang pyrshah kiba ïadei na kajuh ka jait.
Haba ïadei bad u MP ka Congress u Gaurav Gogoi, u President ka Raijor Dal u Akhil Gogoi bad u nongïalam jong ka Assam Jatiya Parishad u Lurinjyoti Gogoi, u Sarma u la ong ba ki nongïalam ka BJP u Taranga Gogoi, ka Pabitra Margherita bad u Chakradhar Gogoi ki long kiba “kham donbor”.
“Ka Pabitra Margherita ka thoh ‘Margherita’ kum ka jait, hynrei u dei u Gogoi.Ki Gogoi kiba khlain bor ki don ha ka liang jong ngi, katba kiba die ïa ka jinglong Assamese, ka niam bad ka kolshor ki don ha ka liang pyrshah”, la ong u Sarma.
U la ther da kaba tyngeh ïa ki nongïalam ka liang pyrshah.“U Akhil Gogoi u kyrshan ïa ki nong Bangladesh ha man la ki jaka. U Lurinjyoti Gogoi ruh u don ha ka liang ki nong Bangladesh, bad ngam donkam ban ong shuh shaphang u Gaurav Gogoi — phi la tip lypa baroh,” u la ong.
Katba ka election sha ka iing dorbar thawain ka jylla Assam kala jan, ki kam sain pyrthei ha kane ka jylla ki la nangjur.Ka BJP bad ki seng pyrshah ki la pynjur ïa ki jingïalap elekshon jong ki, ki jingkynnoh khaïi bad ki jingkynnoh pyrshah ïa ki.
U myntri rangbah ka jylla u la ther la bunsien ïa ki lai ngut ki nongïalam ka liang pyrshah ha ki jingialang paidbah ba dang shen.
Ka mat jong ki “Miya Muslim” ka la mih kum ka phang kaba don jingïakynad ha ka por ba dang ïaid shakhmat ban ïakhun ïa ka elekshon.Ki Muslim kiba kren Bengali ha Assam ki ju shah khot kum ki “Miyas”, ka kyntien kaba la kylla long ka jingkynnoh saiñ pyrthei, ha kaba ki bynta jong ka BJP ki kynnoh ïa ka jingwan rung be-aiñ kaba jur na Bangladesh — ka jingkynnoh kaba la pyrshah jur da ki seng pyrshah.
Kham ha shwa, u Sarma u la ïoh ïa ka jingshah kynthoh hadien ba u la pynpaw ba u pynshlur ban leh pyrshah ïa ki “Muslim Miya” ban khanglad ïa ki jingkylla ha ka jingbun briew ba la kynnoh, ki jingkren kiba la pynmih ïa ka jingïakynad ha ka jylla kaba dang don ha ka lynti ban ïathep vote.
