Guwahati, K’lyngkot 29 : U Myntri Rangbah ka Assam Himanta Biswa Sarma ula pynshai bad kyntait ba ki Pulit ka Assam kim shym la phah satia ia kino kino ki nongsyntiat sha ka ktem jong ka ULFA-I kaba don ha Myanmar.
Dang shen, ka video kala saphriangpaidbah ba uwei u samla bala pynithuh kum u Sub Inspector ki Pulit Assam, ula shah kem ha ka kynhun ULFA-I. Ula pynithuh ialade kum u Manash Borgohain.
Haba kynthoh ia kane ka video, u Himanta Biswa Sarma ulaong “U Manash Borgohain um don bynta satia bad ki Pulit ka Assam. U Borgahain dalade ula kren bad u dang pule ha kawei ka jaka pule ba kyrteng ka Jest. Wat ma ngi ruh ngi la leh tohkit bad lap ba u dang pule ia ka diploma engineer, bad ban long Sub-Inspector (SI), u briew ba donkam ban leh ia ka exam bad u Borgohain u khlem leh satia. Kumta, kane ka video ka dei kaba bakla bad u Paresh Baruah ula ialam bakla. Nga kyrpad ban nym pynsajia ia une u Khynnah”.
Ha kawei ka liang, ki Pulit ka Assam kila kyntait ba ki la phah iaki nongsyntiat sha ka ktem jong ka ULFA-I kaba don ha Myanmar.
Ha ka kyrwoh, ki Pulit ka Assam kila iai ban ba kim shym la lah ia u nongsyntiat ba kyrteng u Manash Borgihain sha ka ktem ULFA-I. Ki Pulit kila ong ruh ba ka Tnad kam shym la thungkam iano iano ruh ha ka kyrteng Manash Borgohain hapoh ka Special Branch jong ki Pulit ha u snem 2021.
Kane ka jingpynshai ki Pulit kala mih hadien ba ka ULFA-I ha ka 28 tarik Kyllalyngkot, kala pyllait paidbah ia ka video jong uwei u dkhot ka kynhun ba phla ba u dei u nongsyntiat.
Dang shen, bun bah ki samla na Upper Assam kila leit pyniasoh ialade sha ka UKFA-I.
Ha kajuh ka por, u Myntri Rangbah ka Assam ula kyntu ia kine ki samla ba kin wanphai noh shala iing.
