Guwahati, Jylliew 16: U MLA ka All India United Democratic Front (AIUDF) u Rafikul Islam u la kynthoh da kaba tyngeh ia ka sorkar Assam, u la kynnoh ba ka rukom leh ka thew beit ia ki Muslim kiba shong basah ha ki thain ba ia bun paid na ka bynta ban kyndng ia ki.
Haba ia kren bad ki lad pathai khubor ha kaba iadei bad ka jingiai bteng ban kyndang ha ka thain Goalpara’s Hasila beel, Islam u la ong, “ Ha Assam ka thew beit ia kiba duk basuk kiba dei ki Muslim ki bym don jaka kiba la shu sah ha ki jaka sorkar mynta lah da ki phew snem, kiba la shong lasah mynta la kumba 40, 50 bad wat haduh 70 snem. Kan long ka jingleh rain lada shu kyndang noh ia ki bad ia kum kane ka jingshah shah niew bein kadei kaba ym lah ban shah ne pdiang.”
Shuh shuh u la kynnoh ruh ba ka sorkar ka leh double standard ha kaba iadei ban sam ia ki jaka.
“Ha kawei ka liang, ka sorkar ka ai jaka ia ki hymen ki para kiba dei ki Hindu, kaba dei ka jingsdang kaba bha, hynrei kaei pat na ka bynta ki Muslim kiba ia long kumjuh kiba ym don jaka ? Maki ruh ki don ia ka hok ban ioh jaka bad ka jaka shong jaka sah kaba biang. Tangba, lada ka sorkar ka kwah ban kam trai biang ia ki jaka, ngin ym pyrshah hynrei ba nyngkong kadei ban ai jaka sah sha ia ki.”
U Islam u la kam bad kynnoh ruh ba kane ka jingkyndang ne ka jingpynkynriah nyngkong eh tang ha ki jaka ne ki thain ba bun tam eh ki Muslim.
Ki jaka kum ha “Garukhuti, Kachotuli, Goalpara, Dhubri, Barpeta, Nagaon, Lanka, Karimganj kidei kawei hadien kawei ba kila shah thew bad kane ka jingleh ka long kum ka jingpynkhein ia ka hok long briew man briew”.
U la pynrem jur ruh halor ka jingai notis ba dang shen ban pynkynriah ha, Goalpara, da kaba kam ba kila pynkhein ia ki kyndon jong ka ain.
“Katkum ka jingbthah jong ka Gauhati High Court directive, la ong ba kaba duna eh kan dei 14 sngi ban ai notis ha shwa ban pynkynriah.Kaba ailad ïa ki briew kiba shah ktah ban wad jingïarap na ka liang ka aiñ. Hynrei ha kaba iadei bad kane ka case, khlem ai kano kano ka lad bad la shu pynbor ia ki briew ban khlem ai lad ban pynbit pynbiang.”
U Islam u la kyntu ia u Myntri Rangbah ba u dei ban long u nongialam jong baroh jaitbynriew kiba shong basah ha Assam. “Phi dei u Myntri Rangbah jong ki Hindus, Muslims bad jong baroh ki paidbah nong shong shnong kiba ym don jaka bad dei ban leh lang mar katjuh ia baroh na ka jinglong briew bad kumjuh ruh ia ka hok.”
U nongialam jong ka AIUDF u la pynkut da kaba dawa ban sangeh noh mardor ia ki jingpynkynriah bad ban bud ryntih ia ki hukum jong ka iingbishar bad ki hok jong ka riti synshar.
 u Rafikul Islam u la kynthoh da kaba tyngeh ia ka sorkar Assam, u la kynnoh ba ka rukom leh ka thew beit ia ki Muslim kiba shong basah ha ki thain ba ia bun paid na ka bynta ban kyndng ia ki.){kind=link}