Guwahati, Naitung 29: Ka sorkar Assam ha ka step sngi Ba-ar kala sdang biang ia ka jingpyn kynriah ne kyndang ia ki iing ba kyntur pud beain sha ka jaka Sorkar kaba heh haduh 11,000 bighas kaba dei jong ka tnad Forest ha Uriamghat jong ka Golaghat District, Assam.
Kane kadei kawei na ki jingkyndang ba heh bha ba la leh da ka sorkar Assam ban pynkhuid haduh 11,000 bighas ka jaka ba la wan kyntur pud bein ha khappud ka jylla Nagaland.
Katkum ki kaiphod, kila don haduh 100 tylli ki bulldozers kiba la don ha kane ka jaka ban pynpra ia ki jingtei ba la tei beain da ki nongwan kyntur pud.
Na kane ka jingshah kyndang, ki long iing ki ban shah ktah ki don haduh 2 hajar tylli ki long iing kiba la wan buhai shnong beain ha ka jaka jong ka tnad Forest da kaba kila pynkylla kum ka jaka rep kwai bad kiba don ka jingiaei bad ki mafia kwai.
Ki bor pyniaid District jong ka Golaghat kila buh haduh 15 spah ngut ki bor pahara na ka bynta kane ka jingpynkynriah ne kyndang ia kiba wan buhai beain.
Ka jingsheptieng na kane ka jingshah kyndang, shibun ki briew kiba dei ki muslim kiba kren ha ka ktieng Benglai kila shah kynnoh ba kidei ki nongwan wan buhai shnong beain na Bangladesh, kila phet krad na katei ka thain bad kila pyrshang ban wad jaka sha kiwei ki jaka ha ki bynta jong ka Assam.
Na ka liang ka sorkar Assam kala kam ba kine kiba wan kyntur beain kidei ki muslim na ka thain Nagaon, Morigaon, Sonitpur, bad wat na kiwei de ki district kum na Cachar, Dhubri, Barpeta, Hojai na Assambad kumjuh ruh wat na ka jylla West Bengal bad Bihar.
Kane kadei kawei na kaba heh tam jong ka jingkyndang ia kaba la leh ha upper Assam.
Ki jingkyndang ka la sdang hadien ka jingjurip bniah ïa ki jaka ha kylleng ki 30 tylli ki shnong ha ki jaka khlaw ba la buh kyrpang (reserve forest) kiba hap hapoh ka Sarupathar sub-division.
