Guwahati, Rymphang 18: U briew uba la shah kynnoh donkti hakhmat eh halor ka jingshah pyniap u Ranjit Bora, u Shah Alam Talukdar u la khlad noh hadien ka jingshah ther kuli ha ki pulit ha kane ka miet sngi Thohdieng ba la lah.
Ym shym la ioh ia ka jingtip kaba bniah kumno bad hangno katei ka jingjia ka la jia.Ia ka meiap jong u Talukdar la pynkynriah mynta shapoh ka jaka buh metiap ha GMCH.
Katkum ki khubor la ong ba une u briew uba la shah kynnoh donkti kham hashwa u la lait phet na ka jaka set jong ki pulit hapoh Satgaon ha kane ka miet sngi Palei ba la lah.
U Talukdar u la lait phet na kti jong ki pulit katba ki dang ialam ia u sha ki bynta jong ka Botahghuli ha Guwahati na ka bynta ban pynlong ia ka jingkhynra.Ki pulit ki la iathuh ruh ba une u suba u la shah teh kynjari na ki kti jong u ha ka por ba ula lait phet.
