Guwahati, Naitung 17 : Ki Pulit ka Assam kila ioh pynkyllon iap ia 3 ngut ki kaikhlaw ha ka jingiather kuli ha Bhuban Hills kaba hap hapoh ka Cachar District, ha ka miet sngi Ba-ar.
Kat kum ka khubor, napdeng kine ki lain gut ki kaikhlaw ba iap, arngut ki dei kiba na Cachar District katba uwei u dei na Manipur.
Shuwa kane, ki Pulit kila ioh kem ia 3 ngut ki ehrang kaikhlaw na Dhalai kaba hap hi ha Cachar District.
Ki Pulit kila ioh kurup ia ka AK-47 rifle na kine ki kaikhlaw.
Ki Pulit kila ialam ia kine ki laingut sha Bhuban Hills ban pynlong ia ka jingkhynra bad dei hangne ba kala mih ka jingiather kuli hapdeng ki bor shipai bad ki kaikhlaw.
La iathuh ba lai ngut ki Pulit kila mynsaw ha kane ka jingiather kuli kaba la neh palat shi kynta eiei.
