Guwahati, Jylliew 7: Haduh 20 tylli ki bogie jong ka rel kit mar kila kylla ha ka lynti rel Kamakhya-Jogighopa kaba don ha Boko, Kamrup District hadien ba ki lait na ki kor pyndait jong ka rel.
Kat kum ka khubor bala ioh, kane ka jingjia kala jia ha Singra Railway Station ha Boko.
“Katto katne ki bogie kila lait na ki jingpyndait ka rel bad haduh 15-16 tylli kila kylla. Kane ka rel ka dei kaba kut ia u dewiong ha kane ka por ba wan jia kane ka jingjia” pyntip ki heh ka NF Railway.
Kila pyntip ruh ba hadien kane ka jingjia, ka rel kala iai bteng ban iaid sa 200 meter eiei ha ryngkat satang kumba 6-7 tylli ki bogie.
