Guwahati, Iaiong 03: Ki Pulit ka Assam, kila ioh kem uwei nongkhaii drok na Nagaon district bad ioh kurup haduh 1 kilo u drok heroin.
Ki Pulit kila pyntip ba ia une u drok la buhrieh bad la song ha 46 tylli ki synduk sabon bad u drok ba ioh kurup u shongdor palat T. 3 klur.
“Ia u nongkhaii la kem na ka Bos. Ngi la sdang ban tohkit bad ban lap naei ba wan poi une u drok” ong ki Pulit.
U heh ophisar ula ong “Ngi la ioh jingtip ba don ki nong wanrah drok lyngba ka Bos. Ngi la sdang ka jingkynra bad ngi la lah ban kem ia uwei nongkhaii bad ia u drok la phah ban leh test”.
Dang shen ki Pulit kila ioh kurup drok ba shongdor T.80 lak bad kem 2 ngut na Nagaon district.
Ki 2 ngut ba shah kem ki kynthup u Anarul Islam bad Moinuddin Ahmed.
Naka bynta ban pynthikna baka ilekshon Lok Sabha ka iaid beit iaid ryntih, ki Pulit ka Assam kila sdang ban kynra bad kurup iaki jait drok bad haduh mynta la kurup bun bha.
