Guwahati, Naitung 26: Ki Pulit ka Assam ha ka sngi Ba-ar, kila ioh kurup ia u droks ba shongdor haduh T. 45 klur na Cachar District bad iohkem ruh ia laingut ki nongkhaii kiba pyniaid iew ia une u jingdih sha kylleng ki Jylla hapoh ka thain Shatei Lam Mihngi bad ka Ri.
Halor ki jingtip kiba bniah ba kan don ka jingwan kit ia u droks na Mizoram, ki Pulit kila pynap shrip ha Cachar bad ioh kem ia 3 ngut ki briew lem bad une u droks. Uwei napdeng kine ki nongkhaii ula mynsaw na ka jingshah siat ha ki Pulit namar ka jingpyrshang ban phet krad.
Haba iakren bad ki nongthoh khubor, u Deputy Inspector General of Police ka Special Task Force Partha Sarathi Mahanta ula iathuh ba ki Pulit kila pynlong ia ka jingkhynra halor ka jingtip ba bniah bha bala ioh ha ka miet sngi nyngkong.
“Ngi la ioh kurup ia u droks ba khia 2.5 kilo n aka highway ba marjan ka ISBT Sichar. Ngi la kurup ruh ia ka kali ba thep ia une u droks” ula ong.
In the midnight today, STF and @cacharpolice jointly intercepted a vehicle which was coming from a neighbouring state and seized 2.5 kg Heroin and 1 lakh Yaba tablets in Silchar. Also apprehended three accused.
Commendable work @assampolice. Keep it up.… pic.twitter.com/xBZHaTyahV
— Himanta Biswa Sarma (@himantabiswa) July 25, 2023
U iathuh ba ha ka jingtohkit, uwei na kine ki nongkhaii ula mynjur ban ialam ia ki Pulit sha ka jaka ban pynpoi ia une u droks.
“Ha lynti, une u briew ula kyrpad ban pyllait noh ia u bad ula pyrshang pynban ban phet da kaba shim kabu ia ka jingdum ka miet hynrei ngi la siat bad ula mynsaw” ula iathuh.
