Guwahati, Risaw 1: Ki Pulit Special Task Force ka Assam kila ioh ban kurup ia u droks ba shongdor T. 2 klur bad kem ia 5 ngut ki briew na Guwahati hynne ka sngi U Blei.
Kine ki san ngut ki kynthup ia 4 ngut kiba dei na Manipur. Ia kine ki briew la kem da ka kynhun kaba la apshrip hadien ka jingioh ia ka khubor kaba thikna.
Kine ki briew ki kyrteng u Abdul Rajak Shah (36), Bibi Sara (41), Jarina (25) bad Yunus Khan (39) kiba dei na Kwakta jong ka Bishnupur district ka Manipur.
Uwei pat u kyrteng u Lila Kanta Saikia (28) uba dei naka shnong Simen Chapori jong ka Dhemaji district ka Assam.
Ia kine ki briew la pynngat hapoh ki kyndon bapher bapher jong ka narcotic drugs and psychotropic substances (NDPS) Act.
