Guwahati, K’Lyngkot 15: U Myntri Rangbah ka Assam Himanta Biswa Sarma ha ka sngi Palei u la ong ba um da tikna ia ka jingkyrmen na ka bynta ka party jong u (BJP) ha kaba iadei bad ka Assembly election ka ban sa long ha thain Bodoland Territorial Council (BTC).
Ka BTC ka don 15 tylli ki Assembly constituency, bad ka Assam ka la long ba la khreh ban leit sha ka jingthep vote ha kaba sdang jong une u snem.
Haba ïakren bad ki lad pathai khubor ha Bijni, u Sarma u la ong, “Ngi la shah rem ha ka elekshon ha BTC, bad mynta ngam pat thikna la ngin jop ne em ha kane ka Assembly elekshon.”
“Kam da don satia kano kano ka jingsngewtynnad ne ka jingshngain ha ka madan.Ngam ïoh ïa kata ka jingshaniah.Ki kyrtong kiba kwah ban ïakhun kin don ha ka kyrdan kaba kham bha ban bishar bniah ïa ka jinglong jingman—lada ngi rem ha ki elekshon jong ka council, kumno ngin jop ha ki Assembly election? Lada ngi jop, ngi lah ban pynieng kyrtong na baroh ki 10 seat.Kito ki kyrtong kiba kwah ticket na ka party ki dei ban kylli shwa ïalade la ki paidbah ki don ryngkat bad ki ne em,” ong u Myntri Rangbah ka Jylla.
Ka Bodoland Peoples’ Front (BPF) ka la jop ia ka BTC council election kaba la long ha u bnai Nailur jong u snem ba la dep. Ka United Peoples’ Party-Liberal (UPPL) kaba la ialam ia kane ka council kaba la mih noh ha ka jingiatreilang bad ka Bharatiya Janata Party (BJP), ka la lah ban ioh tang hynriew tylli ki seat ha ka council kaba don 40 ngut ki dkhot, katba ka BJP ka la jop tang san tylli.
Wat hapdeng ka jingshah khanglad, ka BJP ka dang sah ha ka sorkar BTC hadien ba ka BPF ka la leit bad pyniasoh bad ka National Democratic Alliance (NDA).
Ki 15 tylli ki Assembly seats hapoh ka dorbar thawain jong ka thain BTC, ryngkat bad ki vote jong ki Bodo shabar jong ka jaka jong ka council, la shim ba ki long kiba kongsan ha kaba ym duna ia ka 10 tylli ki constituency.
 ha kaba iadei bad ka Assembly election ka ban sa long ha thain Bodoland Territorial Council (BTC).Ka BTC ka don 15 tylli ki Assembly constituency, bad ka Assam ka la long ba la khreh ban leit sha ka jingthep vote ha kaba sdang jong une u snem.){kind=link}