Guwahati, Naitung 18: U Myntri Rangbah ka Assam Himanta Biswa Sarma u la kynthoh tyngeh ia ka Myntri Rangbah ka West Bengal Mamata Banerjee, da kaba kob ia ka ba kan pyntrei kam ia ka Citizenship (Amendment) Act (CAA) hapoh ka jylla jong ka lada ka sngewkhia shisha ia ki jaitbynriew Bengali.
Haba kren sha ki lad pathai khubor, u Himanta u la ong, “Ka Mamata Banerjee kadei ban sngewthuh ba ki Hindu Bengali ym dei ba ki shah iada hapoh Assam hynrei kila shah pynrung hapoh ka imlang ka sahlang jong ka jylla, bad mynta kila don la ki jong ki myntri sorkar bad ki MLA bad kine kila noh synniang shi katdei eh ha kiba bun ki liang.”
“Ki long laitluid ban leh la ka long ha ka niam ne ka ktien ka thylliej, ka jingrakhe ia ka Durga Puja, bad ki long ki bynta ka kongsan hapoh ka imlang ka sahlang bad ka ktein Bengali kadei ka associate official language ha Assam bad ki don katto katne ki jaka ba kadei ka ka ktien Bengali kadei ka official language,” ong u Sarma.
Shuh shuh u Sarma u la buh jingkylli ïa ka Banerjee, da kaba ong, “Lada ka Mamata Banerjee ka sngewkhia shisha ïa ki jaitbynriew Bengali, balei kam shym la pyntreikam ïa ka CAA hapoh ka jylla West Bengal?”
U Sarma u la kynnoh, “Hato ka sngewkhia ia baroh ki jaitbynriew Bengali ne tang ia ki Muslim Bengalis? Ki jingkren bad ki kam jong ka ki pynpaw ba ka sngewtynnat tang ïa ki Muslim Bengali.”
Kane ka jingkynthoh ba jur kala wan hadien ba ka Banerjee kala kynthoh ba kynnoh shah pyndik bad pynthut ia ki briew kiba kren iaka ktien Bengali hapoh ka jylla ba synshar ka BJP. Kane ka hehduh jong ka Trinamool Congress (TMC) kala mih sha surok hapoh Kolkata ha ka sngi Balang, da kaba maham tyngeh ba ka jingiakhih kan sa khie hapoh ka ri lada iai bteng ia kane ka jingshah pyndik ia ki nongbylla sngi Bengali.
Kane ka thma ktien kala wan ha shwa ka assembly election ka ban long ha u snem 2026 ha kine ki ar tylli ki jylla ha West Bengal bad ha Assam.
Na ka liang u Sarma u la kynnoh ba ka TMC ka pyrshang ban pyniar ia ka shnat trei kam jong ka shaduh sha Assam bad khamtam eh ha Barak Valley ha kaba ki jaitbynriew Bengali ki bun bha kiba shong basah, hynrei u la bynrap bad kam ba TMC kam shym la ioh satia ka jingshanniah na ki paidbah ka thain.
“Ka TMC ka pyrshang ban pynieng kyrtong na Barak Valley ha ka election ka ban long ha u snem 2026 kam kan ym long kaba suk ia ka party na Bengal ban bsuh ha Assam ban iakhun pyrshah ia ka BJP, kaba la don ha ka bor synshar naduh u snem 2016,” ong u Sarma.
 Act (CAA) hapoh ka jylla jong ka lada ka sngewkhia shisha ia ki jaitbynriew Bengali.){kind=link}