Guwahati, Jymmang 2: Kum shi bynta ban pynkhlain ia ka jingpahara ha ka than khappud bad kumjuh ruh ban iada ia ki jingshna ia ki lynti rel, ka Railway Protection Force (RPF) jong ka Northeast Frontier Railway (NFR), ha ka jingiatrei lang kaba jan bha bad ka Government Railway Police (GRP) bad ki shipai Border Security Force (BSF), kila sdang ban pynlong ia ka jingiaid pahara lang ha ki khappud jong ka India-Bangladesh.
Kane ka jingiatrei lang, la sdang mynta ka sngi da ka jingthmu ban pynkhlain ia ka jingpeitngor ha ki shilynter jong ki lynti rel kiba don ha ka thain khappud kiba don ha ka thain Northeast India. Kane ka kynhun (patrolling teams) la bthah ba kin peit bniah bha ha ki bynta kiba lah ban mih ka jingpynthut bad ka jingioh rung suk lyngba ki jaka ba shna lynti rel.
Katkum ka tyllong khubor na ka NFR, kane ka jingiaid pahara ne (patrolling) ha kylleng ki division kiba don hapoh ka zone, da kaba pyrkhat kyrpang ïa ki bynta kiba ïajan bad u pud u sam jong ka Bangladesh. Ki agency bapher bapher ki dang bishar bniah ruh ia ka jinglong ba la pynkhreh ha ka rukom ban pynneh ia ki lynti rel.
Kane ka jingkylla ka long hadien ka jingsngewkhia kaba la nang kiew halor ki jingrung jingmih beain (cross-border) hadien ba ka Sheikh Hasina kam don shuh ha ka bor synshar ha Bangladesh myn shem snem bad ki don shibun ngut kiba la shah kem na steshon rel kiba don hajan khappud namar ka jingwan rung beain sha kane ka jylla. Kane ka thain la tip ruh ba kadei ka lynti iaid jong ki Rohingya hapdeng ka India bad ka Bangladesh.
Kane ka jingiaid patrolling lang kadei ka sienjam kaba shim khia ban ïada ïa ki jingïadei bad ka leit ka wan ne transportation ha ka thaiñ khappud, la ong ki heh sorkar.
 jong ka Northeast Frontier Railway (NFR), ha ka jingiatrei lang kaba jan bha bad ka Government Railway Police (GRP) bad ki shipai Border Security Force (BSF), kila sdang ban pynlong ia ka jingiaid pahara lang ha ki khappud jong ka India-Bangladesh.){kind=link}