Guwahati, Iaiong 14 : U Myntri Rangbah ka Assam Himanta Biswa Sarma ula ong ba ka BJP ka khmih lynti ba kan mad ia ka jing iakhun kaba tyngeh tang ha ki lai tylli ki constituency napdeng ki 14 tylli ki Lok Sabha constituency ka Assam.
U Himanta ula ong ba ka jingpynleit jingmut ha kane ka elekshon Lok Sabha ha Assam kan long tang ha Nagaon, Karimganj bad Dhubri constituency.
Haba iakren bad ki nongthoh khubor, u Myntri Rangbah ka Assam ula ong “Ha ka jingkhein jingkhein jong nga, ha kane ka phase ba nyngkong, ki don 5 tylli ki Lok Sabha constituency ki bym da don eh ki jingiakhun”.
“Ka jingiakhun ba shisha kan mih ha Nagaon, Karimganj bad Dhubri constituency. Kiwei ki constituency ym shym la khmih lynti ba kan don ka jingialeh kaba jur” ula ong.
U Himanta ula ong ba u Gagoi u khlem kren eiei halor ki ishu ka Jorhat ha Parliament bad buh jingkylli ia u halor ka nongrim ba u ieng ha ka jingsiat iap ia ki rhino.
Napdeng ki 14 tylli ki Lok Sabha constituency, ka BJP ka iakhun na 11 tylli bad lai tylli ki seat la ai sha ki paralok kata ka AGP bad ka UPPL.
