Guwahati, Rymphang 1: Ki pulit CID jong ka Assam ha ka jingiatreilang bad ki pulit distrik ki la pynlong ia ka jingkhynra ban pynduh jait ia ka Child Sexual Exploitative and Abuse Material (CSEAM) network bad kila ioh ban kem ia hynniew ngut ki briew hapoh 24 kynta.
Ha kane ka jingkhynra, la kem bun ngut ki suba donkti da ki Pulit Assam kat kum ka ejahar ba la register hapoh ki kyndon ba ïadei jong ka POCSO Act bad IT Act ha ki hynriew tylli ki district jong ka Assam.
Kine ki briew kiba la shah kynnoh la tip kyrteng kum u Dulu Boruah, Priyam Handique, Raju Dutta, Hemanta Kalita, Minhaz khan, Aychan Ali Ahmed bad u Deluwar Husaain.
“Da ka jingkyrshan ka live forensics jong ka Indian Cyber Crime Coordination Centre (I4C), Ministry of Home Affairs, jong ka sorkar India, bad ka jingbishar bniah bas tad jong ki CID Assam, ki nongleh kam sniew kiba ha khmat eh la ioh ban kem noh tang hapoh 24 kynta.Ki mobile kiba la pyndonkam la ioh ban kurup bad ka jingtohkit ka dang iaid sha phrang ban lap ia ka jingdonkti ban thaw bad ban pynphriang jong ka Child Sexual Exploitative and Abuse Material (CSEAM) bad kiwei kiwei ki jingthoh kiba be-aiñ.Ki Pulit Assam ki pynpaw biang ïa ka polisi jong ki ban ym shah ïa ki kam runar pyrshah ïa ki khynnah bad ki dang ïai bteng ban pynthikna ïa ka jaka ba kham shngaiñ,” ong ka kyrwoh khubor jong ka Assam CID.
Ka Cyber Tipline ka dei ka rukom ai jingtip kaba la pynlong online na ka bynta ka child sexual exploitation and abuse material (CSEAM), da kaba shah ia ki riew paidbah ban kin report ha kaba iadei bad ka jingsuba jong ka jingshah pyndonkam bakla kiba la ngat ha ka jingshah pynbiej SCAM bad ka jingshah khaii lyngba ka report.cybertip.org (1-800-843-5678) na ka bynta ban leh mardor pyrshah ïa ka jingshah lehbeiñ ki khynnah.
Ka lum ruh hi da lade ia ki jingtip ha kaba iadei bad ki jingtip shaphang ka CSEAM na ki social media bapher bapher bad ki website kiba la buh ne thep ia kum kine ki jingthoh kiba pyndonkam bakla.Ka pyniasoh ia ki kaiphod sha ki bor pyniaid ban tohkit, ban iarap ban iada ia ki khynnah da kaba khanglad ia ka jingpynphriang ia ki jingthoh beain bad ban ithuh ia ki nongleh kam sniew.
 network bad kila ioh ban kem ia hynniew ngut ki briew hapoh 24 kynta.){kind=link}