Guwahati, Nailur 23: Ka Special Task Force (STF) jong ki pulit Assam hynne ka sngi Saitjaiñ kila iohkem ia ki 6 ngut ki nongkhaii drok bad ioh kurup ia 46 gram u Heroin na ka met jong ki, na ka thaiñ Khanapara, Guwahati.
Kitei ki nongkhaii drok kiba la shah kem ki kynthup ia u Sanjay Biswa (28), Avtar Singh (30), Shyamal Pegu (19), Bikash Ali (23), Nayan Talukdar (28) bad u Yuvraj Kalyan (24).
Ki pulit kila ioh kurup ia utei u Heroin uba la thep ha ki 33 tylli ki bilor rit.
“Hadien ba ki pulit kila ioh ia ki jingtip kiba thikna ba ka don ka jingthmu ban khaii drok, ka STF kala pynlong iaka jingkhynra ha ka step jong ka sngi Thohdieng hapoh Guwahati ban tehlakam ia katei ka kam sniew da kaba kem ia kitei ki briew kiba donkti” la iathuh ki tyllong khubor na ki pulit.
Ia kitei ki 6 ngut kiba la shah kem ryngkat bad u drok la aiti noh sha ki pulit jong ka Basistha Police Station ban leh ia kaba donkam bad ban pynngat ia kitei ha ki kyndon aiñ.
Ki pulit Assam kila sdang ia ka thma pyrshah ia u drok bad kila ioh mad iaka jingseisoh da kaba ioh kem ia bun ngut ki nongkhaii bad kurup bun bah u drok.
“Ka jingiakhun ka jong ngi ia u drok kan iai bteng. Ka thong ka jong ngi, ka long ban pynlong ia ka imlang sahlang kaba lait na u drok. Namar ka jingtrei shitom jong ki pulit, ngi la lah ban mad iaka jingjop da kaba kem bun ngut ki nongkhaii drok” ong ki heh pulit.
Ha ka sngi Thohdieng, ki pulit jong ka Dibrugarh kila iohkem ia ki 3 ngut ki kynthei na Nagaland bad la kurup ruh na ki 348 gram ia kaba la suba jur ba udei u heroin na ka thain Joypur kaba hap ha Dibrugarh district, Assam.
Ia utei u drok uba la suba jur udei u Heroin u shongdor kumba T.1.5 Klur.
 jong ki pulit Assam hynne ka sngi Saitjaiñ kila iohkem ia ki 6 ngut ki nongkhaii drok bad ioh kurup ia 46 gram u Heroin na ka met jong ki, na ka thaiñ Khanapara, Guwahati.){kind=link}