Guwahati, Naitung 5: Ki Pulit ka Assam hynne ka sngi Balang, kila ioh ban kurup ia bun bah ki jingdih pynbuaid ba shongdor da ki lak tyngka bad iohkem ruh ia 4 ngut ki nongkhaii ha ki artylli ki jingkhynra bala pynlong ha Karimganj.
Ki Pulit kila ioh ban kurup haduh 10,000 tylli ki dawai kuli yaba bad 12.5 kilo u ganja ha kine ki jingkhynra. Kine ki briew kiba shah kem ki kyrteng u Atikur Rahman, Nazrul Islam, Deepak Kumar bad u Sahil.
Kat kum ka jingiathuh ki Pulit, kine ki jingdih bala ioh ban kurup ki shongdor da ki lak tyngka.
Ha kawei pat ka jingjia, u DIG ka STF Parthma Sarathi Mahanta ula pyntip ruh ba ki Pulit ka Kamrup kila pynlong ia ka jingkhynra bad ioh kurup haduh 700 gram u heroin ha ka jingkhynra bala pynlong ha ki thain Kamrup bad ioh ban kem ia ki nongkhaii droks.
Pule ruh: Manipur: Hadien 2 bnai duna, la plie biang ia ki skul naduh klas 1 haduh klas 8
