Guwahati, Nohprah 12 : Ka National Investigation Agency (NIA) kala kem ia 4 ngut ki briew na Goalpara District ka Assam halor ka jingsuba ba ki don ka jingiadei bad iajan bad ka kynhun lehnoh Jaish-e-Mohammed (JEM) ka Ri Pakistan.
Hadien ka jingkhynra ha kylleng ki bynta ka Ri pyrshah ia ka sleeper cell ka JeM, ka kynhun NIA ha ryngkat ka kynhun STF ka Assam, kila pynlong ia ka jingkhynra ha kylleng ki jaka ka Goalpara District bad iohkem ia kine ki 4 ngut kiba don jingiadei bad ka JeM.
Kine ki briew ki kyrteng u Joynal Abedin, Shahanur Alam, Abu Taleb, bad Shahanur Islam, bad la iohkem ia ki ha ka jingkhynra bala pynlong ha ka por mynmiet ha Hansilapara, Barpahar, Balbala, bad Tukde.
“Dang khyndiat bnai bala leit, uwei u Mufti, Sheikh Sultan Salludin Ayubi ula ioh pdiang ia ka pisa na ka JeM bad ula shah kem ha ka NIA Delhi ba donkti ban pyniaid ia ka pisa be-ain ka JeM ha Kashmir” ong ka NIA.
Ha ka 5 tarik Risaw, ka NIA kala kem ia katto katne ki briew na Assam halor ka jingkynnoh don jingiadei bad ki kynhun leh noh na Pakistan bad khyndai ngut na ki, ki dei kiba na Goalpara.
Ka NIA dang shen kala pynlong ia ka jingkhynra ha 19 tylli ki jaka ha kylleng ka Ri India kynthup ha Assam, kum shibynta ban kyndang ia ka ktem jong ki kynnun lehnoh.
 kala kem ia 4 ngut ki briew na Goalpara District ka Assam halor ka jingsuba ba ki don ka jingiadei bad iajan bad ka kynhun lehnoh Jaish-e-Mohammed (JEM) ka Ri Pakistan.){kind=link}