Guwahati, Jylliew 2: Ka Chief Minister’s Special Vigilance Cell ha ka Sngi Palei, kala kem ia u nongtrei jong ka District Institution of Information and Training (DIET) na Howly, Barpeta district halor ka kam ba iadei bad ka jyrsieh State Council of Education Research and Training (SCERT).
Une u nongtrei u kyrteng u Sonmoni Nath bad ia une ruh la kynnoh ba ula dawa pisa naka Sewali Devi Sharma, ka Ophisar IAS ba shah sospon na kane ka jyrsieh.
Ka Sewali kala shah kem dang shen na Rajasthan ha ryngkat bad u Pyrsa Kurim. Ka Sewali kala phla hakhmat ka Vigilance Cell ba kala shah dawa pisa da ki nongwan RTI bad ki nongthoh khubor, kiba la byrthen ban sei madan ia ka jingdonkti jong ka ha kane ka jyrsieh.
Ka Sewali ka dei kaba donkti hakhmat eh ha kane ka jyrsieh bam klop ia ka pisa kaba kot T. 105 klur jong ka SCERT.
Haba iakren bad ki nongthoh khubor, u Myntri Rangbah ka Assam Himanta Biswa Sarma ula ong ba ki don haduh 12 ngut ki briew kiba donkti ha kane ka jyrsieh bad bun na ki, ki dei ki nongpan RTI bad ki Nongthoh khubor.
Ula pyntip ruh ba ki don ruh ki kot ki sla ba pyni b aka Sewali kala phah pisa beit beit sha ki bank account jong ki nongthoh khubor.
