Guwahati, Risaw 15: Haba pynlong ia ka jingkhynra kaba jur bha halor ki kam bamsap, ka Central Bureau of Investigation (CBI) kala kem ia u Executive Director and Regional Officer ka National Highways and Infrastructure Development Corporation Limited (NHIDCL), Guwahati, uba la shah kynnoh ba u la pdiang ia ka pisa ba 10 lak.
Ia une u heh jong ka NHIDCL la ioh ban kem markhat katba u dang pdiang ia ka pisa ha ka janmiet sngi Ba-ar ha ka por ba ka CBI ka dang pynap shrip ha ryngkat bad u wei u riew shimet, uba kynnoh ba u shah dawa pisa na ka bynta ban pynioh ne ai ia ka Extension of Time (EOT) ne ban pynjlan por bad ka syrnot ban pynshisha ba la dep ia ka jingshna ia ka (surok) highway construction project.
Kane ka projek ka kynthup ïa ka four-laning jong ka National Highway-37 na Demow sha bakut jong ka Moran Bypass ha Assam, napdeng kiwei pat ki kontrak ba la pynïaid da kane ka juh ka kompeni.
Hadien ka jingshah kem, ki heh ka CBI ki la pynlong ia ka jingtalasi kaba jur ha ki hynniew tylli ki jaka ha kylleng ka ri India, kynthup ia ki jaka sah bad ka ophis jong ki nongshah kynnoh. Ha ki jingkhynra, ka tnad ka la ioh kurup ia ka pisa kaba T. 2.62 klur ka pisa na ka jaka sah une u nongtrei ha Guwahati.
Ka CBI ka la lap ruh ia ki sakhi kiba kdew sha ki mar ki mata kiba heh kiba la lum da u ophisar ka NHIDCL. Ki jinglap ba nyngkong ki la pynpaw ia ka jingshim ia ki khyndai tylli ki jaka bad arphew tylli ki apartment ha kylleng ka ri India, baroh la pynrung kyrteng ha ka kyrteng jong une ba shah kynnoh bad kiba ha iing ha sem jong u. Ha kane ka jingtalasi la ioh kurup ruh ia ki kot ki sla kiba iadei bad ka jingthied ia ki katto katne ki kali heh.
Ki heh ophisar ki la ïathuh ba ïa kane ka case la register katkum ki jingtip na ka tyllong khubor, kaba la pynlong ban pynap shrip ban ioh kem. Mynta ki jingtohkit ki dang iaid shakhmat ban pynshisha ia ka jinglong trai bad ia ka dor jong ki mar ki mata kiba la ithuh haduh mynta.
Ia utei u ophisar ba la shah kem bad ia u riew shimet yn sa rah ha khmat ka Court jong u Special Judge na ka bynta ka case jong ka CBI ha Guwahati mynta ka sngi.
 kala kem ia u Executive Director and Regional Officer ka National Highways and Infrastructure Development Corporation Limited (NHIDCL), Guwahati, uba la shah kynnoh ba u la pdiang ia ka pisa ba 10 lak.){kind=link}