Guwahati, Jylliew 01: U Myntri ki kam jngohkai ka Assam Jayanta Mallabaruah ha ka sngi Ba-ar, ula kaweh lama ia ka jingshakri jong ka liengsuin ba-ar jong ka Flybig na Guwahati sha Silchar bad sha Guwahati.
Ka jingshakri jong ka liengsuin Flybig kan long hapdeng ka Guwahati-Dibrugarh-Guwahati bad ka Guwahati-Silchar-Guwahati manla ka sngi.
U MD ka Assam Tourism Development Corporation Padma Pani Bora ha ka jaka ka Sorkar Jylla bad u Director ka kompani FlyBig Sanjay Natavarlal Mandavia, kila iasoi ia ka soskular ban pynkamai ia ka liengsuin hapdeng ka Guwahati-Dibrugarh-Guwahati bad Guwahati-Silchar-Guwahati manla ka sngi.
U Myntri Rangbah ka Assam Himanta Biswa Sarma dang shen ula ong ba MoU bad ka FlyBig ha kaba kan don ka jingkamai ba manla ka sngi, kan nang pynkhlain ia ka lad pyniasoh hapoh ka Jylla.
Ka liengsuin FlyBig ba kamai na Guwahati-Dibrugarh-Guwahati ka dei kaba la pynsdang naduh ka 1tarik u Jymmang.
Ka jingkamai jong kine ki liengsuin kan long kat kum ka UDAN scheme jong ka Sorkar Pdeng.
