Guwahati, K’lyngkot 28 : U Myntri Rangbah ka Assam Himanta Biswa Sarma ula pynbna ia ka jingkhmih lynti halor ka jing kut noh syndon ka kynhun synrop INDIA.
Haba iakren bad ki nongthoh khubor hynne ka sngi U Blei, u Himanta ula ban jur halor ka jingbym don ki nongrim kiba skhem hapoh kane ka kynhun synrop ki Liang Pyrshah haba ong ba ka thong ba hakhmat eh jong kane ka kynhun ka long ban ieng pyrshah ia u Myntri Rangbah Duh ka Ri Narendra Modi.
Kane ka jingpynbna kala jia ruh ha ka sngi ba u Myntri Rangbah ka Bihar Nitish Kumar, ula aiti ia ka shithi iehnohkam sha u Lat ka Jylla Rajendra V Arlekar. Kane ka jingiehnohkam kala plie lynti ia ka jingthaw ia ka Sorkar thymmai, kaba la khmih lynti ban sa thaw shen da ka jingkyrshan ka BJP.
INDI गठबंधन का विसर्जन अब तय है। इस गठबंधन का कोई वैचारिक आधार नहीं था। इन लोगों का एक ही उद्देश्य था, आदरणीय मोदी जी को हराना। इनकी नकारात्मक राजनीति के बावजूद, माननीय प्रधान मंत्री श्री @narendramodi जी आज एक विश्व नेता बन गये हैं। pic.twitter.com/xzfECZhvQf
— Himanta Biswa Sarma (@himantabiswa) January 28, 2024
Ha ka kyrwoh, u Himanta ula sngew sarong ia ka jingpaw nam u Narendra Modi ha ka pyrthei bad long uwei na ki nongialam ka pyrthei.
Ka kynhun synrop INDIA kaba la thaw khlem kano kano ka nongrim kaba shai, mynta kala iatyngkhuh bad ka lawei ka bym shai ha kaba u Myntri Rangbah ka Assam ula khmih lynti ia ka jingbym lah lait ba ka kynhun kan sa wai noh.
