Guwahati, Nailur 30: Ka Facebook page jong u Shyamkanu Mahanta, kaba la jerk um kawei na kiba shah pharep ha ka jingtohkit kaba dang iaid sha khmat halor ka jingkhlad noh u nongrwai ba pawnam u Zubeen Garg, kam shym la don shuh hapoh ka facebook platform.
Nalor kata, kawei pat ka Facebook account jongu, ka pyni ia ki bynta ba la khang pyrshah, ha kaba katto katne ki jingthoh jongu, ki la jah noh.
Shuwa ba ka account kan kylla long ban ioh ne lap shuh, u Mahanta—uba dei ruh u Chief Organiser ka North East Festival-u la buh ia kawei ka jingthoh kaba ong, “Ha ki nongshong shnong baieit, ngan sa wan biang shen.Nga la dep iathuh ha ki pulit.Ngan iatreilang pura bad ka sorkar bad ki bor pyniaid.Ngam don ei ei ban buhrieh.Ngan jubab ia baroh ki jingkylli ba la buh da ka SIT.”
Na ka liang ka Garima Saikia Garg, ka lok jong u nongrwai u (L) Zubeen Garg, ha ryngkat bad ka hep kynsi ka Pami Barthakur bad u mama kila dep ban buh ka jingujor sha ka tnad CID, da kaba jer kyrteng ia kito kiba don lang ha ka por ba jia katei ka jingjia ha Singapore, ba kynthup ia u Shyamkanu Mahanta bad u manager u Siddharth Sharma.
U Central President ka All Assam Students’ Union (AASU) u Utpal Sharma u la kynthoh tyngeh halor katei ka jingiap ba phylla jong u nongrwai Zubeen Garg, ha kaba u la jer kyrteng ia u Shyamkanu Mahanta bad u Siddharth Sharma kum ki nongshah kynnoh kiba hakhmat eh.
