Guwahati, Naiwieng 25: Arngut ki nongbylla kila iap na ka jingshah lympat bording katba ki dang pynieng ia uwei u post elektrik ha ka jaka ba pyntrei ia ka Jal Jeevan Mission ha Dhemaji District.
Kine ki nongbylla ki kyrteng u Kushal Chutia bad u Mukul Changmai.
Kane ka jingjia kala jia ha ka por ba kine ki nongtrei ki dang pynieng ia u post uba la leit tyngkhuh ia u waiar jong u sainar ba 11,000 volt.
Ki bahaiing hasem jong kine ki briew kila kynnoh ba kane ka jingjia namar ka jingbym phikir jong u contractor.
Kila kynnoh ba wat hapdeng ki jingtreikam jong ki kor ki bor ba khlain bor ha kane ka jaka, u contractor u khlem ai satia wat tang ka helmet ba kin phong na ka bynta ka jingshngain.
“Kane ka dei ka jingjia kaba sngewsih. Ka jingtohkit kala sdang halor kane ka jingjia” ong ki Heh ka District.
